Wunnerlich geiht dat to an de Küst un deep ünnen, up den Grund vun’t Meer. Söben Märken vertellen vun de Königsche Noordsee, vun de Meefru in ehr gediegen Kristallslott, dat Strieden tegen Wellenpeer un Wulkenscheep, ruchbannig Hünen, afgünstige Fisch, den Meerkeerl Ekke Nekkepenn, modige Fischerlüüd, und daarvun, wat een Zaubermöhl mit dat Salt in’t Water to doon hett.

To dat Book mit de apart Billers vun Dorothée Böhlke höört een CD daarto, wo een de Märken vun de Sylter Vertellersche tolustern kann. So warrn de Geschichten för lütte un grote Märkenfrünnen levig. Man to, höör un kiek in’t Billerbook för de Ogen.

Wat gifft dat to hören: 1. De Meerkeerl Ekke Nekkepenn | 2. De twee Riesen | 3. Vun de Noordseekönigsche un de Fresenhüün | 4. De Schull | 5. De dree Pött an’n Meergrund | 6. De Rockeloor vun de Meerfru | 7. De Zaubermöhl

Hör mol rin: De Meerkeerl Ekke Nekkepenn

Hör mol rin: De Zaubermöhl

Rezensionen:

„En Hörbook, wat et in sik hett. De meent, de düütschen Märken weren siet Grimm & Co. afarbeidt, de schall sik wunnern […]. Schull mi wunnern, wenn Frerk Möller sien plattdüütsch Översetten vull Klören un Biller sik dank Marianne Ehlers ehr sachte un togliek leifige Vörleserstimm nich ok twüschen dien Ohren in en Märchenfüürwark verwanneln dee.“

Kommentar bei Plattschapp